ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ქართული ენის ს/ს ინსტიტუტი თსუ ბიბლიოთეკასთან თანამშრომლობით 2026 წლის 29 მაისს სამივე საფეხურის სტუდენტებისთვის ატარებს II სამეცნიერო კონფერენციას თემაზე: „ენა და კულტურული იდენტობა“.
კონფერენციის მიზანი:
- სამეცნიერო სიახლეების წარმოჩენა
- სტუდენტების სამეცნიერო პოტენციალის გამოკვეთა და მოტივაციის გაზრდა
- ინტერდისციპლინური და ინტერკულტურული კვლევების ხელშეწყობა
- კულტურული მემკვიდრეობის პოპულარიზაცია
- ზეპირი ისტორიების მოძიება-დამუშავებაში სიახლეების დანერგვა
კონფერენციის სამეცნიერო მიმართულებები:
- ძველი და ახალი ქართული ენა
- ქართული დიალექტოლოგია
- უდამწერლობო ქართველური ენები: მეგრული, ლაზური, სვანური
- ქართველური ლექსიკოლოგიისა და ონომასტიკის საკითხები
- კოდიკოლოგია- ტექსტოლოგია
- ციფრული არქივები და მონაცემთა ბაზები
შენიშვნა: ზემოაღნიშნულთან ერთად კონფერენციაზე მიიღება ქართველოლოგიური თემატიკის ამსახველი სხვა საკითხებიც.
ძირითადი მოთხოვნები:
- საკონფერენციო თემა უნდა შეიცავდეს მეცნიერულ სიახლეს და არ უნდა იყოს გამოქვეყნებული ან წაკითხული სხვა რომელიმე სამეცნიერო ღონისძიებაზე საქართველოში ან უცხოეთში.
- აუცილებელია სამეცნიერო ხელმძღვანელმა თეზისები დაამოწმოს ხელმოწერით (ელექტრონული ფოსტის მისამართისა და ტელეფონის მითითებით).
- კონფერენციაში მონაწილეობის ფორმატი: დასწრებული (მოხსენება).
- კონფერენციის სამუშაო ენა: ქართული
კონფერენციაში მონაწილეობის მსურველებმა თეზისები უნდა გამოგზავნონ 2026 წლის 30 აპრილის ჩათვლით ელექტრონული ფოსტის მისამართზე: georgejgharkava@gmail.com
თეზისების გაფორმების წესი:
გაერთიანებულ დოკუმენტში (MS Word, ფორმატი — A4)
12 ზომის შრიფტით ქართულ ენაზე გთხოვთ შეიტანოთ შემდეგი მონაცემები:
ავტორის სახელი და გვარი.
სწავლების საფეხურის, ორგანიზაციისა და ფაკულტეტის დასახელება
ხელმძღვანელის სახელი და გვარი (სამეცნიერო ხარისხის, აკადემიური თანამდებობისა და ორგანიზაციის მითითებით).
თეზისების სათაური.
3-5 საკვანძო სიტყვა ქართულად
თეზისების ძირითადი ტექსტი (MS Word-ით და pdf-ფორმატით)
შრიფტი — UNICODE (Sylfaen)
გრაფიკული გამოსახულების კომპიუტერული ვარიანტი შესრულებული უნდა იყოს JPG ფორმატში.
თეზისის მოცულობა არ უნდა აღემატებოდეს 200-250 სიტყვას.
პროგრამა და თეზისები დაიბეჭდება
მონაწილეებს გადაეცემათ სერტიფიკატი.
საკონტაქტო პირი: ფილ. დოქტორი გიორგი ჯღარკავა
ტელ.: 514 83 38 83
თსუ, I კორპუსი, ოთახი 208
კონფერენციის საორგანიზაციო კომიტეტი გისურვებთ წარმატებებს!